ezerbeyjan bilen pakistan gaz teminlesh kélishimi imzalidi
pakistan ezerbeyjan bilen suyuqlandurulghan tebiiy gaz (LNG) teminlesh üchün «janliq shertler» astida kélishim imzalidi.
türkiye awazi radiyosi xewiri: pakistan radiyosidiki xewerlerge qarighanda, lahordiki «pakistan suyuqlandurulghan tebiiy gaz cheklik shirkiti» bilen ezerbeyjan énérgiye shirkiti-sokar (SOCAR) otturisida janliq shertler astida ramka kélishimi imzalanghan.
pakistan bash ministiri shahbaz sherif imza qoyush murasimigha qatniship, bu kélishimning bir yil küchke ige ikenlikini, emma yene bir yil uzartqili bolidighanliqini bildürdi.
shahbaz sherif ezerbeyjan prézidénti ilham eliyéwni kélishimdiki roli üchün maxtidi.
shahbaz sherif pakistanning ezerbeyjan hawa yolliri shirkiti üchün islamabad, karachi we lahorgha uchidighan ayropilan ijazetnamisini testiqlighanliqini tilgha élip, buning ikki dölet otturisidiki meblegh sélish we sayahetchilikni tereqqiy qildurushtiki muhim bir qedem ikenlikini körsetti.
dunya miqyasida néfit bahasi öskendin kéyin, pakistan xam néfit import menbesini köp xillashturushni bashlighan idi.
pakistan rusiyedin import qilghan 100 ming tonna xam néfitning 45 ming tonnasini toshughan tunji paraxot 11-iyun (2023) karachigha yétip bardi.
pakistan ministirlar kabinéti 15-iyun ezerbeyjandin étibar bahada suyuqlandurulghan tebiiy gaz sétiwélish kélishimini testiqlidi.
