daniyede quran kerimge hujum qilish qilmishi yüz berdi
daniyening paytexti kopénhagénda quran kerimge hujum qilish qilmishi sadir qilindi.
türkiye awazi radiyosi xewiri: daniyediki islamgha qarshi ashqun milletchi «daniye wetenperwerliri» namliq bir kichik guruppining ezaliri iraqning kopénhagéndiki elchixanisi aldida quran kerimni köydürdi.
islamgha qarshi lozonkilarni kötürüp, islamni haqaretleydighan shoarlarni towlighan guruppa ezaliri iraq bayriqi we quran kerimni yerge tashlap, üstige dessidi, andin quran kerimni köydürüp, körünüshlirini ijtimaiy taratqudiki adrésida hembehrilidi.
quran kerimni köydürgen mezkur guruppa ezaliri bu qutratquluqni shiwétsiyening baghdattiki elchixanisigha qilinghan hujumgha naraziliq bildürüsh üchün sadir qilghanliqini ilgiri sürdi.
saqchilarning qattiq bixeterlik tedbirliri astida élip bérilghan bu qebih qilmishni taratqularmu yéqindin közetti.
«daniye wetenperwerliri» namliq bu guruppa, buningdin ilgirimu kopénhagéndiki türkiye elchixanisi aldida türkiye bayriqi we quran kerimge hujum qilip, islamni haqaretligenidi.
