putin kések altun döletliri bashliqlar yighinigha sin körünüshlük ishtirak qilidu
rusiye pirézidéntliq mehkimisi — krémil bayanatchisi dimiriy péskow muxbirlarning rusiye prézidénti wiladimir putinning kések altun döletliri bashliqlar yighinigha qatnishishi bilen munasiwetlik soaligha jawab berdi.
türkiye awazi radiyosi xewiri: rusiye pirézidéntliq mehkimisi — krémil bayanatchisi dimiriy péskow rusiye prézidénti wiladimir putinning jenubiy afriqada chaqirilidighan kések altun döletliri (biraziliye, rusiye, xitay, hindistan we jenubiy afriqa) bashliqlar yighinigha sin körünüshlük halette ishtirak qilidighanliqini bildürdi.
pirézidént putinning awghust éyida jenubiy afriqada ötküzülidighan bashliqlar yighinigha sin körünüshlük halette qatnishidighanliqini bildürgen péskow: «bu toluq qatnishish bolidu» dédi.
péskow rusiye tashqi ishlar ministiri sérgéy lawrowning kések altun bashliqlar yighinigha yüzturane qatnishidighanliqini bildürdi.
kéler ay chaqirilidighan kések altun döletliri bashliqlar yighinigha sahibxanliq qilishqa teyyarliq qiliwatqan jenubiy afriqa jumhuriyiti, xelqara jinayi ishlar sotigha eza döletlerning biri bolush süpiti bilen, yighingha qatnishish üchün tewelikige kirgen teqdirde, rus rehber putinni qolgha élish mejburiyiti bar.
jenubiy afriqa pirézidénti kiril ramafosa kések altun döletliri bashliqlar yighinigha ishtirak qilish üchün dölitige kélishi kütülüwatqan putinning xelqara jinayi ishlar sot mehkimisining buyruqigha asasen qolgha élinishining, urush sewebi dep qarilidighanliqini éytqanidi.
مۇناسىۋەتلىك خەۋەرلەر
