burkina fasoda yüz bergen térrorluq hujumida nurghun adem öldi
burkina fasoda yüz bergen ikki qétimliq térrorluq hujumida kem dégende 10 adem qaza qildi.
türkiye awazi radiyosi xewiri: burkina faso taratqulirining xewerlirige qarighanda, namelum qoralliq unsurlar boklé moxon rayonining kossi nahiyesige hujum qilghan. hujum netijiside 6 adem qaza qilghan, 4 adem yarilanghan.
shu küni térrorchilarning pil chishi qirghiqi chégrasidiki tondura yézisigha qilghan hujumidimu 4 adem hayatidin ayrilghan we maddi ziyan körülgen.
burkina fasoda 2015-yili yüz bergen bixeterlik krizisi netijiside 2 milyondin artuq adem öy-makanlirini terk étishke mejbur bolghan.
burkina faso hökümitining sanliq melumatlirigha qarighanda, bu kishilerdin peqet 120 ming kishila öy – makanlirigha qaytalighan.
burkina faso bash ministiri alpollinéyér joashimson kiyélim dé tambila may éyida élan qilghan bayanatida, burkina faso térritoriyesining % 65 ining döletning kontrolluqida ikenlikini éytqanidi.
