israiliye mesjidi eqsaning imamigha cheklime qoydi
israiliye mesjidi eqsaning imami we xatipi sheyx ikrime sabrigha uning «chet el sayahitining israiliyening bixeterlikige tehdit élip kelgenlikini» ilgiri sürüp alte ayliq sayahet cheklimisi qoydi.
türkiye awazi radiyosi xewiri: ikrime sabrining qanun ishliri ishxanisi teripidin élan qilinghan bayanatta, israiliye istixbarat orginidin bir etretning etigen tereplerde sabrining öyige bésip kirip, sabrigha, uning «chet el sayahitining israiliyening bixeterlikige tehdit élip kelgenlikini» ilgiri sürüp alte ayliq sayahet cheklimisi qoyulghanliqini uqturghanliqi eskertildi.
israiliye dairiliri bu heqte héchqandaq bayanat élan qilmidi.
israiliye istixbarat orginidin bir etret aldinqi aydimu mesjidi eqsaning imami we xatipi sheyx ikrime sabrining öyige bésip kirip, uning «chet elge qilghan seperliride israiliyege qarshi ziyanliq ishlarni qilish» bilen eyiblinip, uninggha bir ayliq sayahet cheklimisi qoyulghanliqini, bu cheklime mudditining uzartilish éhtimalliqining barliqini yetküzgenidi.
israiliye dölet xewpsizlik küchliri ilgirimu sheyx sabrining öyige köp qétim bésip kirgen, hemde uninggha mesjidi eqsagha yéqinlashmasliq jazasi bergenidi.
