shoygu: rusiyening bombiliri amérikaningkige qarighanda küchlük we xilmu xil
rusiye dölet mudapie ministiri shoygu rusiyening ünümi yuqiri misket bombilirining barliqini bildürüp: «amérika ukrainagha misket bombisi ewetse, rusiye armiyesi buninggha jawab süpitide ukrainagha qarshi oxshash qorallarni ishlitishke mejbur bolidu» dédi.
türkiye awazi radiyosi xewiri: rusiye dölet mudapie ministiri sérgéy shoygu rusiye taratqulirining ziyaritini qobul qilghanda, ukraina armiyesining qayturma hujumlirining héchqaysi septe meqsitige yételmigenlikini ilgiri sürdi.
u: «4-iyun (2023) din buyan düshmen 26 mingdin artuq eskiridin we 3 mingdin artuq her xil qoral-yaraghliridin ayrilip qaldi» dédi.
u yene, rusiye armiyesining ukrainaning 21 ayropilani we besh tik ucharini, 1244 tanka we bironiwikini, gérmaniyede yasalghan 17 dane yilpiz namliq tankisini, firansiyede yasalghan besh dane charqliq tankisini, amérikada yasalghan 12 dane herbiy aptomobilini, ikki dane hawa qalqan mudapie sistémisini, 25 dane köp stiwolluq rakétasini, polsha, amérika we firansiyede yasalghan 403 dane zembirikini pachaqlap tashlighanliqini qeyt qildi.
u amérikaning kiyéwni misket bombisi bilen teminlishining, ukrainadiki toqunushlarni uzartidighanliqini eskertip, mundaq dédi: «amérika ukrainagha misket bombisi ewetse, rusiye armiyesi buninggha jawab süpitide ukrainagha qarshi oxshash qorallarni ishlitishke mejbur bolidu. bilinginidek, rusiyening barliq ehwallar üchün misket bombisigha ige ikenlikige diqqet qilinishi kérek. yene kélip, rusiyening bombiliri amérikaningkige qarighanda ünümi yuqiri we xilmu xilliqqa ige.»
