xitay afghanistanning qashqeri (qeshqer) rayonida néft chiqirishni bashlidi
afghanistanda taliban bilen xitayning shirkiti hemkarliq ornatqandin kéyin, sari-pul wilayitining qashqeri (qeshqer) rayonigha jaylashqan néft quduqtin tunji qétim néfit chiqirish bashlandi.
türkiye awazi radiyosi xewiri: sari-pul wilayitige qarashliq qashqeri (qeshqer) rayonida néft quduqidin biwaste ishlepchiqirish bashlash munasiwiti bilen ötküzülgen murasimgha taliban waqitliq hökümitining kan we néfit ishliri ministirliqi wekili shahabeddin dilawer bilen xitay shirkitining emeldarliri qatnashti.
dilawer sözide bu rayondiki yene 15 néfit quduqining 2023-yilining axirighiche rémont qilinip, ishqa kirishtürülidighanliqini tekitlidi.
dilawer chetellik meblegh salghuchilarni afghanistangha teklip qilip, kelgüside bu wilayettiki néfit quduqliridin 100 tonna néfit chiqirilidighanliqini éytti.
yene bir tereptin, taliban hökümiti afghanistanning shimalidiki mazar sherif bilen shibirgan sheherliri otturisida 95 kilomitirliq tebiiy gaz turuba liniyesi qurulushining bashlanghanliqini élan qildi.
taliban waqitliq hökümiti bilen xitay shirkiti (CAPEIC) otturisida 5-yanwarda afghanistanning shimalidiki amu deryasi etrapida néfit charlash we qédirish kélishimi imzalanghan idi.
kélishimge asasen, juzjan, fariyab we sar-pul qatarliq wilayetlerde omumiy kölimi 4500 kwadrat kilométir kélidighan jayda néft izdesh xizmiti élip bérilmaqta.
xitay shirkitining deslepki yili 150 milyon dollar, deslepki 3 yilda bolsa, jemiy 540 milyon dollar meblegh sélishi ümit qilinmaqta.
toxtam mudditining 25 yil ikenliki emma xitay shirkiti 1 yil ichide mejburiyetlirini ada qilmighan teqdirde, toxtamning aptomatik bikar qilinidighanliqi bildürülgen idi.
talibanning bu leyihedin deslepte %20 ülüshke érishidighanliqi we buning waqitning ötüshige egiship %75 kiche chiqirilidighanliqi hemde bu layihe bilen 3 ming afghanistanliqning ishqa orunlishish pursitige sazawer bolidighanliqi uqturulghan idi.
