gollandiyede hökümet istipa berdi
gollandiye bash ministiri mark rutté töt partiyedin terkip tapqan birleshme hökümetning köchmenler siyasiti toghrisidiki muzakiride kélishim hasil qilalmighandin kéyin istipa bergenlikini élan qildi.
türkiye awazi radyosi xewiri: mark rutté birleshme hökümettiki töt partiye otturisida köchmenler siyasitining chingitilishigha dair muzakirilerdin kéyin muxbirlarni kütüwélish yighini ötküzdi.
mark rutté köchmenler mesilisining bir chong ijtimaiy mesile ikenlikini tilgha élip, «birleshme hökümettiki siyasi qollash ghayib boldi. bu qayghuluq bir ehwal we biz sel qarashqa bolmaydighan siyasiy bir réalliqtur. men kabinétning istipanamisini padishahqa (willém aléksandérgha) sunimen» dédi.
mark rutté deslepte saylamning yéngilinish musapisini bashlaydighanliqini bildürüp, hazirqi hökümetning saylamghiche «waqitliq» wezipe öteydighanliqini uqturdi.
hökümetning istipa bérishining hergizmu yaxshi ish emeslikini, bu jeryanni tamamliyalmighanliqi üchün azabliniwatqanliqini eskertken mark rutté, köchmenler siyasitige qarita birdin köp chüshinishmeslikler barliqini, köchmenler siyasitining kishiler üchün muhimliqini tilgha aldi.
öktichilerdin nurghunlighan parlamént ezaliri tiwittérda özgirishlerge qarita hembehirligen uchurliri arqiliq hökümetning istipa qararidin memnun bolghanliqlirini bildürüp, saylamning baldurraq ötküzülüshini telep qildi.
مۇناسىۋەتلىك خەۋەرلەر
