michotaks: yawropa köchmenler mesilisini hel qilish üchün türkiyege yardem qilishi mumkin
girétsiye bash ministiri kiryakos michotakis yawropa ittipaqining köchmenler mesilisige taqabil turush üchün türkiyege yéngi iqtisadiy yardem béreleydighanliqini otturigha qoydi.
türkiye awazi radiyosi xewiri: michotakis bélgiyening paytexti biryussélda ötküzülgen yawropa ittipaqi bashliqlar yighinidin kéyin bayanat bérip, jumhur reis rejep tayyip erdoghan bilen shimaliy atlantik ehdi teshkilati — nato bashliqlar yighini dairiside litwa paytexti wilnyusta körüshidighanliqini, özlirining türkiye – yawropa ittipaqi munasiwitining ramkisini yéngi asasqa ige qilishni ümid qilidighanliqlirini bildürdi.
u yéqinqi mezgillerde tertipsiz köchmenler olturghan kémilerning yolgha chiqishtin burunla tosup qélinishi mesiliside türkiye dairiliri bilen téximu yaxshi hemkarliq ornatqanliqlirini tilgha élip: «men türkiyening musapirlar mesilisige qarshi turushta ittipaqdash bolushi kéreklikini köp qétim otturigha qoydum. yene bir tereptin, yawropa ittipaqi türkiyeni qollash üchün nurghun milyon yawro berdi we téximu köp bérishi mumkin. yawropa ittipaqining yilliq xamchotini qayta békitkende, kelgüside türkiyeni qollash üchün qoshumche madda qoyush mumkin» dégenlerni qeyt qildi.
مۇناسىۋەتلىك خەۋەرلەر
