péskow: bergen wedilerge emel qilimiz
rusiye krémil sariyi bayanatchisi dmitriy péskow wagnér kirizisining hel qilinishi basquchida barliq terepler bergen wedilerge emel qilinidighanliqini éytti.
türkiye awazi radiyosi xewiri: rusiye krémil sariyi bayanatchisi dmitriy péskow muxbirlarning 24-iyun (2023) yüz bergen wagnér isyani toghrisidiki soallirigha jawab berdi.
u wagnér yallanma eskerliri we ularning kattibéshi prigojinning aqiwitige munasiwetlik soalgha: «bu toghrida tepsiliy melumat bérelmeymen. wagnér jengchilirining beziliri dölet mudapie ministirliqi bilen toxtam tüzse bolidu. beziliri qaytsa bolidu, beziliri bélarusiyege köchüp ketse bolidu» dep jawab berdi.
u wagnér kirizisining hel qilinish jeryani üstide toxtilip: «bezi kishiler chong küch chiqardi. pirézidént putin eng nachar bolghanda, qandaq hel qilish iradisini namayan qildi. eng nachar ehwalning yüz bermesliki üchün bezi kélishimler tüzüldi. putin bezi ishlar toghrisida wede berdi. tüzülgen kélishimler ijra qilinidu, putinning bergen wedisige emel qilinidu. tereplerning bergen wedisige emel qilishini qetiy telep qilimiz» dédi.
