modi xelqaraliq organlarni islah qilishni telep qildi
hindistan bash ministiri naréndra modi xelqaraliq tertipining özgirishige maslishish üchün b d t ni öz ichige alghan xelqaraliq organlarning islah qilinishi kéreklikini otturigha qoydi.
türkiye awazi radiyosi xewiri: amérikada resmiy dölet ishliri ziyaritide boluwatqan hindistan bash ministiri modi amérika kongreside jumhuriyetchiler we démokratlar partiyesining ezalirigha xitab qildi.
u amérika-hindistan munasiwetlirining tereqqiy qildurulushining muhim ehmiyiti üstide toxtilip: «amérika eng muhim mudapie shériklirimizdin birige aylandi» dédi.
u ikki döletning alem ishlirida we déngiz-okyanlardiki özara hemkarliqlirining tereqqiy qilghanliqini eskertip, iqtisad, suniy eqil, énérgiye, maarip, bilim qatarliq oxshimighan nurghun sahelerde birlikte xizmet qiliwatqanliqini bildürdi.
u hindi amérikaliqlarning ikki dölet munasiwitidiki roli üstide alahide toxtalghanda, reis sehnisining arqisida olturghan muawin prézidént kamala xarrisni körsitip turup, uning ikki dölet munasiwetlirige töhpe qoshqan hindi amérikaliq rehberlerning biri ikenlikini éytti.
u yene, yéngi dunya tertipining shekillengenlikini bildürüp, jenubtiki döletlerge téximu köp awaz bérilishi kéreklikini؛ bu ramkida, afriqa ittipaqi 20 dölet guruhigha toluq eza bolushi kérek, dégen qarishini otturigha qoydi.
musulmanlarni öz ichige alghan bir türküm démokratlar partiyesining kongre ezaliri «hindistanning kishilik hoquq xatirisi sewebidin» yighingha qatnashmidi.
amérikadiki musulman jemiyetlirining ezaliri hindistanda musulmanlarning kishilik hoquqlirigha depsendichilik qilinghanliqini seweb körsitip, modining amérika ziyaritige naraziliq bildürdi.
