somalida öktichiler bilen eskerler otturisida toqunush yüz berdi
somalining pontland ölkisining paytexti garowé shehiride eskerler bilen hökümetke qarshi öktichiler otturisida yüz bergen toqunushta 26 adem qaza qildi, 30 adem yarilandi.
2002577
türkiye awazi radiyosi xewiri: somali taratqulirining xewerlirige qarighanda, pontland ishtatliq parlaméntida asasiy qanungha tüzitish kirgüzüsh mesilisi muzakire qiliniwatqanda öktichiler bilen eskerler otturisida qoralliq toqunush yüz bergen.
ammiwi taratqularda tarqalghan körünüshlerge qarighanda, öktichiler parlamént binasigha hujum qilghan, toqunushlarda éghir tipliq qorallar ishlitilgen.
toqunushta 26 adem hayatidin ayrilghan, 30 adem yarilanghan.
parlaménttiki 35 wekildin 34 i ölkilik asasiy qanungha tüzitish kirgüzüsh teklipini qobul qilghan.
igilinishiche, öktichiler ölke reisi seid abdullah dénining asasiy qanungha tüzitish kirgüzüsh teklipi arqiliq wezipe ötesh mudditini uzartishni nishan qiliwatqanliqini ilgiri sürmekte iken.
