hondurasta türmide 41 ayal mehbus öldi
ottura amérika döliti hondurastiki ayallar türmiside yüz bergen jédel - majira sewebidin 41 ayal mehbus hayatidin ayrildi.
türkiye awazi radiyosi xewiri: hondurasta chiqidighan «‹la péransa› géziti» ning xewirige qarighanda, paytext tégusigalpaning tamara yézisidiki ayallar türmiside topilang we jédel – majira yüz bergen.
bu esnada 25 ayal mehbus köydürülüp, 16 ayal mehbus étip öltürülgen.
mara salwatrucha bilen baririyo 18 shaykiliri otturisida yüz bergen jédel - majira sewebidin türmining etrapigha köp sanda dölet xewpsizlik xadimliri ewetilgen.
honduras bixeterlik ministirliqining muawin ministiri julissa willanuéwa ammiwi ortaqlishish tor béti twittér sehipiside élan qilghan bayanatida, weqedin kéyin «jiddiy halet» élan qilinghanliqini tekitlep mundaq dédi: «tamara ayallar türmisidiki jédel – majirani eng qattiq shekilde bésiqturush toghriliq yolyuruq chüshürdüm. bu türmide jédel – majira we qalaymiqanchiliqlarning yüz bérishige yol qoymaymiz. ot öchürüsh tarmaqliri, saqchilar we eskerler eng téz shekilde türme weziyitini kontrol qildi.»
yene bir tereptin, hondurasning paytexti tégusigalpa shehiridin texminen 300 kilométir yiraqliqtiki ilama türmisidimu qoralliq toqunush yüz bergen, weqedin kéyin saqchilar weqeni tinjitqan.