israiliye armiyesi 4 pelestinlikni öltürdi
israiliye armiyesi ishghaliyet astidiki iyordan deryasining gherbiy qirghiqidiki jénin shehirige qilghan hujumida 4 pelestinlikni öltürdi we 42 ademni yarilandurdi.
2001510
türkiye awazi radiyosi xewiri: yerlik menbelerning bildürüshiche, israiliye eskerliri onlarche bironéwik bilen jéningha bésip kirgen.
hujum jeryanida israiliye mergenlirimu bezi öylerge orunlashturulghan.
buninggha naraziliq bildürgen pelestin ahaliliri bilen israiliye eskerliri otturisida toqunush yüz bergen.
israiliye armiyesi pelestinlik yashlargha oq chiqirish, gaz we awaz bombiliri arqiliq mudaxile qilghan.
pelestin sehiye ministirliqi teripidin élan qilinghan bayanatta bildürülüshiche, israiliye eskerlirining jéninda élip barghan hujumi dawamida 4 pelestinlik öltürülgen, 42 pelestinlik yarilanghan.
bayanatta tekitlinishiche, yaridarlardin beshining ehwali éghir iken.
igilinishiche, toqunushlarda 7 israiliye eskirimu yarilanghan.
