amérikada qoralliq toqunushlar köpeymekte
amérikadiki oxshimighan ishtatlarda yüz bergen qoralliq hujumlarda, töt kishi qaza qilip, nurghun kishi yarilandi.
türkiye awazi radiyosi xewiri: washington ishtati grant rayonluq saqchi dairilirining bildürishiche, shenbe küni (17-iyun) kechte ötküzülgen bir féstiwalda, gorgé amfi tiyatirxanisigha yéqin lagér meydanida yüz bergen qoralliq toqunushta, ikki kishi qaza qilip, nurghun kishi yarilanghan.
dairiler, hujum qilghuchining qolgha élinghanliqini élan qildi.
missuri ishtatigha qarashliq saynit loés shehiride kéchide yüz bergen yene bir qoralliq hujumdimu bir kishi qaza qilip, toqquz kishining yarilanghanliqi bildürüldi.
illinois ishtatidimu du péj rayonluq saqchi tarmaqliri shenbe küni yérim kéchide <dölette qulluqqa xatime bérilgen kün> dep bilinidighan «junénit 19 - iyun» tebriklesh paaliyetliri jeryanida oq chiqirish sewebidin bir kishining qaza qilghanliqini we kem dégende 20 kishining yarilanghanliqini élan qildi.