gérmaniyede mis dewrige tewe bir qilich tépildi
gérmaniyening bawariye ölkiside arxéologlar donaw-ris rayonidiki qézish jeryanida mis dewrige tewe bir qilichni bayqidi.
türkiye awazi radyosi xewiri: bawariye ölkilik yadikarliqlarni qoghdash idarisining bayanatigha asaslanghanda, nordlingén shehiridiki qézish jeryanida, tarixi 3000 yil ilgirige tutishidighan we parqiraqliqini saqlap qalghan bir mis qilich tépilghan.
sekkiz bulungluq destisi pütünley mistin yasalghan bu qilich miladidin ilgiriki 14-esirge tewe dep qaralmaqta.
arxéologlar qilichni arqa-arqidin depne qilinghan bir er, bir ayal we bir balining qebrisidin chiqardi.
bawariye asare-etiqilerni qoghdashqa mesul proféssor matias pifil arxéologlarning bu bayqashni téximu yaxshi türge ayrish üchün qilichni we jeseterni tekshürüshi kéreklikini otturigha qoydi.
proféssor matias pifil qilichning bügünge qeder bundaq saqlinip qilishining pewquladde ish ikenlikini tekitlep, «bu shekildiki bayqashlar nahayiti az uchraydu» dédi.
