فىلىپپىن يانار تاغ ئەتراپىدىكى ئاھالىنى تارقاقلاشتۇرۇشنى داۋاملاشتۇرماقتا

تۈركىيە ئاۋازى رادىيوسى خەۋىرى: فىلىپپىن خەۋەر ئاگېنتلىقى ئالباي ئۆلكىسى ۋالىيسى ئېدسېل گرېكىس لاگماننىڭ ھازىرغا قەدەر جەمئىي 19 مىڭ 79 كىشىنىڭ بىخەتەر رايونلارغا ئورۇنلاشتۇرۇلغانلىقىنى، بۇنىڭ ئىچىدىكى 6000 كىشىنىڭ يېقىنقى ئۈچ كۈندە تارقاقلاشتۇرۇلغانلىقىنى ئېيتقانلىقىنى خەۋەر قىلدى.

دائىرىلەر يانار تاغ ئېقىمىنىڭ تەسىرىگە ئۇچرىغانلارغا چېدىر، يېمەكلىك ۋە ئاساسلىق تەمىنات ياردىمى بەردى.

ئۆيلىرىدىن ئايرىلىشقا مەجبۇر بولغان كىشىلەرنىڭ ئالباي ئۆلكىسىدە تەسىس قىلىنغان 22 تارقاقلاشتۇرۇش مەركىزىگە ئورۇنلاشتۇرۇلغانلىقى قەيت قىلىندى.