ékwadordiki yer köchüsh weqeside qaza qilghanlar sani 65 ke yetti
jenubiy amérika döliti ékwadorda 27-mart yüz bergen yer köchüsh weqeside hayatidin ayrilghanlarning sani 65 ke yetti.
türkiye awazi radiyosi xewiri: ékwador jiddiy ehwallargha taqabil turush qomandanliq merkizi katibat bashqarmisining bildürüshiche, chimborazo ölkisining alawsi yézisida yüz bergen yer köchüsh apitidin kéyin yéngi jesetler tépilghan.
shuning bilen, yer köchüsh apitide hayatidin ayrilghanlarning sani 65 ke yetken.
igilinishiche, bezi kishilerning yoqap ketken bolush éhtimalliqi nezerde tutulup, izdesh – qutquzush paaliyetliri bir mezgil dawamlishidiken.
yer köchüsh apiti sewebidin 163 öyning ziyangha uchrighanliqi, 60 öyning pütünley weyran bolghanliqi we 56 kishining hayatidin ayrilghanliqi bildürülgenidi.
ékwador taratqulirining xewerliride, bu rayondiki taghda yéqinda yériq peyda bolghanliqi, buning yer köchüsh apitini keltürüp chiqarghanliqi ilgiri sürülgenidi.
