shimaliy koréye jenubiy koréyelik abontlarning sanliq melumatlirini oghrilashqa urunmaqta
shimaliy koréye jenubiy koréyelik abontlarning sanliq melumatlirini oghrilash üchün, jenubiy koréyede eng köp ishlitilidighan izdesh motori we intérnét supisi bolghan «Naver» ning köpeytilgen nusxisini (saxtisini) yasap chiqti.
türkiye awazi radyosi xewiri: yonxap agéntliqining xewirige asaslanghanda, jenubiy koréye istixbarat idarisi (NIS) shimaliy koréyening «Naver» gha oxshash izdesh motori qurghanliqini élan qilghan.
jenubiy koréye istixbarat idarisining bayanatida, shimaliy koréyening izdesh motori arqiliq jenubiy koréye abontlirining mexpiy nomuri we adrés isimlirini oghrilap, shexsiy sanliq melumatlargha érishishni meqset qilidighanliqi alahide tekitlendi.
shimaliy koréyening tor aldamchiliqi qilmaqchi boluwatqanliqini tekitligen jenubiy koréye istixbarat idarisi «Naver» ning bash bétining xewer bölikini öz ichige alghan barliq böleklirining teng köchürülgenlikini bildürdi.
jenubiy koréye istixbarat idarisi tor béketlerge kirgende téximu éhtiyatchan bolush heqqide agahlandurup, eger saxta ikenliki bayqalsa, derhal tor béket bilen bolghan ulinishni üzüp tashlishi kéreklikini uqturdi.
jenubiy koréyede eng köp qollinilidighan tor béketlerning biri bolghan «Naver» supisi, xerite, torda pul tölesh sistémisi, blog we söhbetlishish tori qatarliq her xil sahelerde mulazimet qilidu.
