bosniyediki bezi meschit we boshnaqlarning öylirining hujumlargha uchrawatqanliqi bildürüldi

türkiye awazi radiyosi xewiri: kapljina islam kéngishi bash imami adam suta yéqinqi künlerde surmanchida nurghun qebih hujumlarning yüz bergenlikini bayan qilip: «aldi bilen, meschit dérizisining eynekliri chéqiwétildi, andin meschitning dérize we ishikige yel miltiqi bilen oq étildi» dédi.

hujumchilarning qebih qilmishlirini dawamlashturuwatqanliqini tekitligen suta: «eng yamini, méyit namizi jeryanida méyit qoyulghan yerge ölük keslenchük étildi. ular bosniyeliklerge bir xil uchur bermekchi boluwatidu» dédi.

u bosniyelikler turghan öylerning dérize eynekliriningmu chéqiwétilgenlikini bildürüp: «ibadet orunliri we öylerge qaritilghan bu hujumlar bizning étiqadimiz we milliy kimlikimizge qarshi sadir qilindi. saqchilar bu jinayetlerni tekshürüwatidu» dégenlerni qeyt qildi.