nigériyede kéme chöküp kétish weqeside nurghun adem öldi
nigériyening nigér ölkiside toy merikisidin qaytqanlar olturghan bir kémining chöküp kétishi netijiside, onlarche adem qaza qildi.
1999444
türkiye awazi radiyosi xewiri: nigériye taratqulirining xewirige qarighanda, nigér ölkiside toy merikisidin qaytqanlar kwara ölkisige kétish üchün bir kémige olturghan.
bu kémining nigér deryasidiki bir derexke soqulup chöküp kétishi netijiside, onlarche adem hayatidin ayrilghan, nurghun adem yoqap ketken.
kwara ölkisining waliysi abduraxman abdurerzzaq köp sanda kishi hayatidin ayrilghan bu échinishliq weqedin qattiq qayghuruwatqanliqlirini bayan qilghan.
u weqedin kéyin yoqap ketkenlerning aman – ésen qutulushini ümid qilidighanliqlirini bildürüp, izdesh – qutquzush paaliyetlirini dawamliq köztidighanliqlirini qeyt qilghan.
