birmada herbiy özgirishtin kéyinki 20 ayda 6337 puqra öltürüldi
birmada 2021-yili féwralda herbiy özgirish yüz bergendin buyanqi deslepki 20 ayda öltürülgen puqralarning sani 6337 ge yetti.
türkiye awazi radyosi xewiri: oslo tinchliq tetqiqat insitituti teripidin élan qilinghan doklatta, herbiy özgirishtin kéyinki 20 ay ichide birmada öltürülgen we yarilanghan puqralarning sani tehlil qilindi.
doklatqa asaslanghanda, 2021-yili 1- féwraldin 2022-yili 30-séntebirgiche bolghan ariliqta, «siyasiy seweb» ler bilen 6337 kishi öltürülüp, 2614 kishi yaridar qilinghan.
buningdin bashqa yene, bu ölümlerndin 3 mingini armiye, saqchi we eskerler keltürüp chiqarghan bolsa, 2 ming 152 ini qoralliq öktichi guruppilar keltürüp chiqarghan.
doklatta, «bu san taratqulardiki sanliq melumatlardin xélila yuqiri, emma bu sanliq melumat ishenchlik xewer menbeliridin élinghan jénidin ayrighanlarning sanini asas qilidu» déyildi.
birma armiyesi 2020-yildiki chong saylamda saxtipezlik qilinghanliqini we dölette siyasiy jiddiylik peyda bolghanliqiini bahane qilip 2021-yili 1-féwralda hakimiyetni tartiwalghan idi.
armiye döletning emeliy rehbiri we tashqi ishlar ministiri ang san suchi qatarliq nurghun emeldarlar we hakimiyet béshidiki partiye rehberlirini qolgha élip, bir yilliq jiddiy halet élan qilghan idi.
