sudanda milyonlarche bala insanperwerlik yardimige mohtaj
sudanda 13 milyon 600 ming balining insanperwerlik yardimige mohtaj ikenliki bildürüldi.
türkiye awazi radiyosi xewiri: birleshken döletler teshkilati bayanatchisi stéfan dujarrik kündilik muxbirlarni kütüwélish yighinida, birleshken döletler teshkilati balilar fondining sudangha dair doklati heqqide toxtaldi.
dujarrik sudandiki milyonlighan balining bu dölette dawamlishiwatqan toqunushlarning tesirige uchrighanliqini, 4-ayning otturilirida toqunushlar bashlanghandin buyan 70 balining jénidin ayrilghanliqini éytti.
b d t balilar fondi jemiyiti we xelqara qizil kirést jemiyitining texminen 300 balini paytext xartumdiki dariltamdin bixeter rayongha yötkigenlikini bayan qilghan dujarrik bu balilarni béqiwalidighan aililerni tépish üchün tirishchanliq körsitiliwatqanliqlirini tekitlep mundaq dédi: «sudandiki 13 milyon 600 ming bala insanperwerlik yardimige mohtaj.»
u yene, sudanda birleshken döletler teshkilati we insanperwerlik yardemchilirining paaliyetlirini dawamlashturuwatqanliqini, tosalghularni tügitish üchün sudan dairiliri bilen dawamliq söhbet ötküzülüwatqanliqinimu sözlirige ilawe qildi.
