daéshqa qarshi küresh yer shariwi birleshmisi yighini seudi erebistanda chaqirildi
daéshqa qarshi küresh yer shariwi birleshmisi seudi erebistanda yighin chaqirip, munasiwetlik mesililerni muzakire qildi.
türkiye awazi radiyosi xewiri: seudi erebistanda chaqirilghan daéshqa qarshi küresh yer shariwi birleshmisi yighinida, yer shariwi birleshmining süriye xelqi bilen bir septe turup, birleshken döletler teshkilati (b d t) xewpsizlik kéngishining 2254- nomurluq qararining rohigha asasen, kirizisqa üzül – késil siyasiy chare tépish tirishchanliqini qollaydighanliqi tekitlendi.
yighindin kéyin élan qilinghan birleshme bayanatta, daéshtin azad qilinghan rayonlarda «muqimliq» ning ehmiyiti tekitlinip, süriyening her qaysi jayliridiki saqliniwatqan mesililerge siyasiy chare tépishqa paydiliq sharaitlarni yaritish üchün, yarishish we qaytidin bir gewdilishish xizmetlirini qollashning dawamlashturulidighanliqi qeyt qilindi.
bayanatta yene, ministirlarning hol we roj lagérliridiki daésh térorchilirining tughqanlirining bixeterlik sharaiti we insanperwerlik weziyitini yaxshilash üchün, uzun muddetlik charilerni yolgha qoyushning ehmiyitini tekitlep ötkenlikige isharet qilip ötüldi.
مۇناسىۋەتلىك خەۋەرلەر
