israiliye armiyesi 25 pelestinlikni tutqun qildi

türkiye awazi radiyosi xewiri: pelestin esirler jemiyitining yazma bayanatigha qarighanda, israiliye eskerliri etigen tereplerde iyordan deryasining gherbiy qirghiqidiki her qaysi sheherlerge bésip kirip, 25 pelestinlikni tutqun qilghan.

bayanatta tekitlinishiche, tutqun qilinghanlar pelestinliklerdin 14 i nablus shehiridin bolup, israiliye teripidin bu heqte téxiche héchqandaq bayanat élan qilinmighan.

igilinishiche, israiliye armiyesi ishghaliyet astidiki iyordan deryasining gherbiy qirghiqi we sherqiy quddustiki öylerge daim bésip kirip, pelestinliklerni türlük jinayetler bilen eyiblep, tutqun qilidiken.

tutqun qilinishqa naraziliq bildürgen pelestin ahaliliri bilen israiliye eskerliri otturisida pat-pat toqunushlar yüz béridiken.