émmanuél makron firansiyede chérkawlargha iane seperwerliki bashlidi
firansiyede hökümet töwen xamchotluq chérkawlarni qoghdash we eslige keltürüsh üchün iane seperwerliki bashlidi.
türkiye awazi radyosi xewiri: firansiye élisé sariyining bayanatigha asaslanghanda, pirézidént makron tünügün (6-iyun) normandi déngiz qirghiqidiki b d t maarip, ilim-pen we medeniyet teshkilatining dunya medeniyet mirasliri tizimlikige kirgüzülgen mont saynt mishél chérkawi yasalghanliqining 1000 – yilliqi munasiwiti bilen ötküzülgen tebriklesh paaliyitige qatnashqan.
makron dölet ichidiki medeniyet qurulushlirini qoghdash üchün keng kölemlik yardem seperewrliki bashlashqa perman chüshürgen.
firansiyede 50 minggha yéqin ibadetxanidin 10 ming 500 i firansiye medeniyet ministirliqining yardimi bilen qoghdiliwatqan bolup, élisé sariyi bolupmu nopusi az rayonlardiki chérkawlarning mewjutluqini saqlap qélish üchün keng kölemlik yardem seperwerlikini bashlidi.
yighilghan ianilerning 2019-yili aprélda köyüp ketken we eslige keltürüsh xizmetliri dawamlishiwatqan paytext parizhdiki tarixiy ehmiyetke ige notrédam katédraligha ishlitilishi pilanlanmaqta.