xewpsizlik kéngishide ukraina bilen rusiye bir-birini eyiblidi

türkiye awazi radiyosi xewiri: b d t xewpsizlik kéngishi ukrainaning telipige binaen toplandi.

b d t kishilik hoquq ishlirigha mesul muawin bash katipi we jiddiy ehwal kordinatori martin grifis: «kaxowka su tosmisining buzulushi bilen otturigha chiqqan ziyan, alliqachan urushqa duch kelgen kishilerning turmushining téximu qiyinlishidighanliqidin dérek béridu» dédi.

u b d t ning muhim wezipisining kishilerning hayat kechürüshige kapaletlik qilish ikenlikini eskertip, barliq yardemlerni qilishqa teyyar ikenliklirini bildürdi.

rusiyening b d t diki daimiy wekili wassiliy nébénziya dölitining «pilanliq xata uchur tarqitish herikiti» ge duch kéliwatqanliqini eskertip, rusiyening tosmini partlatqanliqining ilgiri sürülüwatqanliqini qeyt qildi.

 u tilgha élinghan eyibleshlerning «rohiy késellik» ikenlikini bayan qilip mundaq dédi: «kiyéwning halqiliq ul-eslihelerge qesten ziyan sélishi intayin xeterlik , uni urush jinayiti yaki térrorluq hujumi dep atashqa bolidu» dédi.

ukrainaning b d t diki daimiy wekili sérgiy kislitsya: «bu ukrainaning muhim ul- eslihelirini nishan qilghan térrorluq hujumi hésablinidu. uning meqsiti nurghun puqralarning ölüshini we zor iqtisadiy ziyan keltürüp chiqirish» dédi.

u rusiyening tosma we mezkur rayonni kontrol qiliwatqinigha bir yildin ashqanliqini bildürüp mundaq dédi: «tosmini sirttin bombardiman qilish emiliy nuqtidin mumkin emes. rusiye tajawuzchiliri tosmigha mina kömüp partlatti.»