hindonéziyede yüzligen doxtur we séstralar namayish ötküzdi
hindonéziyede yüzligen doxtur we séstralar awam palatasida muzakire qilinghan qanun layihesining, ularning heq - hoquqini cheklimige uchritidighanliqigha naraziliq bildürüp namayish ötküzdi.
türkiye awazi radyosi xewiri: «Tribune» gézitining xewirige asasanghanda, hindonéziye sehiye xadimliri paytext jakartadiki awam palatasining aldida bir yerge jem bolghan.
qanun layihesining bimarlarning sehiye xadimlirigha qarshi jinayet erzi sunushigha qolayliq yaritidighanliqini ilgiri sürgen doxturlar we séstiralar endishlirini otturigha qoyushti.
hindonéziye doxturlar jemiyitining bayanatchisi béni satriya bu teklipke qarshi turidighanliqlirini tekitlep, eger hökümet teleplirige jawab qayturmisa, pütün memliket miqyasida ish tashlash namayishi ötküzidighanliqliri heqqide agahlandurdi.
hindonéziye doxturlar jemiyitining reisi muhemmed adib xumeydi: «eger bu hökümet döletning sehiye menpeetlirige mas kelmeydighan yéngi sehiye qanun layihesidin kélip chiqqan endishilirimizni we teleplirimizni qanduralmisa, bu namayish herikiti sehiye mulazimitining waqitliq toxtap kétishige seweb bolushi mumkin» dédi.
sehiye xadimliri kemchil bolghan rayonlarda chet eldin xadim qobul qilishqa ruxset qilidighan mezkur qanun teklipi, bimarlarning «xata dora» yaki «dawalash jeryanida xata meshghulat» sewebidin sehiye xadimlirigha qarshi jinayet erzi qilishini asanlashturidighan alahidilikkimu ige.
