b d t: yersharimizning issip kétishini tizginlesh hayat – mamatliq mesilisi
birleshken döletler teshkilati kilimat özgirishi ishliri ijraiye katipi simon stiél yersharining issip kétishini tizginleshning hayat – mamatliq mesilisi ikenlikini éytti.
türkiye awazi radiyosi xewiri: stiél bügün (6-iyun) gérmaniyening sahibxanliqida bashlanghan bon kilimat özgirishi yighinining échilish murasimida qilghan sözide, yer sharining issip kétishini 1.5 sélsiye giradustiin yuqiri örlep kétishining aldini élish nishanini dawamlashturushning muhimliqini tekitlidi, hemde xelqara jemiyetni sijil kélechek berpa qilishqa chaqirdi.
u ilim-penning kilimat özgirishini tizginleshtiki eng yaxshi qoral ikenlikini, kilimat özgirishini tizginlesh yolida heriketke ötüsh üchün bek uzun waqit ketkenlikini, hazir kilimat özgirishini tizginlesh üchün chiqirilghan qararlarni ijra qilidighan waqitning téz bolushi kéreklikini otturigha qoyup mundaq dédi: «dunyadiki nurghun kishiler üchün yersharimizning issip kétishini 1.5 sélsiye giradustin örlep kétishning aldini élish we kilimat özgirishini tizginlesh hayat – mamatliq mesilisidur.»
