yemende may éyidila texminen 4000 mina tazilandi
yemende may éyidila texminen 4000 mina we partilimighan bombilarning tazilanghanliqi bildürüldi.
türkiye awazi radiyosi xewiri: seudi erebistan bashlighan «mina tazilash layihesi» <MASAM> may éyidiki paaliyet doklatini élan qildi.
doklatta, yemende iranning qollishi astidiki xusiylar teripidin olturaq rayon we yollargha orunlashturulghan mina we bombilarni tazilash xizmetlirining dawamlishiwatqanliqi uqturuldi.
mayda éyidiki tazilash xizmetliri dairiside yemenning herqaysi rayonlirida texminen 1000 kwadrat kilométir jayda 3989 mina we bombilarning tazilanghanliqi qayt qilinghan doklatta yene, tazilash xizmetliri bashlanghan 2018-yildin buyan 400 ming 70 mina we bombilarning tazilanghanliqi bildürüldi.
seudi erebistan bashlighan «mina tazilash layihesi» <MASAM> dairiside, yemendiki 46 milyon 439 ming 132 kwadrat métir kölemdiki jayning partilatquchlardin tazilanghanliqi doklat qilindi.
yemende, iranning qollishi astidiki xusiylar 2014-yili sintebirdin buyan paytext sana we bir qisim rayonlarni alqinigha kirgüzüwalghan bolup, seudi erebistan bashchiliqidiki birleshme qisimlar 2015-yili mart éyidin béri xusiylargha qarshi yemen hökümitige yardem bermekte.
yemen hökümiti we kishilik hoquq teshkilatlirining doklatlirigha asaslanghanda, xusiylar ichki urush bashlanghan 2014-yilidin buyan memliket miqyasida 2 milyongha yéqin mina kömgen. bu minalar minglighan puqralarning qaza qilishigha yaki yaridar bolushigha seweb bolghan.
kishilik hoquq teshkilatlirining mölcherlishiche, yemende köpinchisi ayallar we balilar bolup jemiy 8000 din artuq kishi minalarning ziyankeshlikige uchrighan.
