haytida kelkün apitide 15 adem qaza qildi
haytida qara yamghur keltürüp chiqarghan kelkün we yer köchüsh apetliride 15 adem hayatidin ayrildi, 8 adem yoqap ketti.
1995507
türkiye awazi radiyosi xewiri: hayti puqralarni qoghdash idarisining bildürüshiche, kelkün apiti sewebidin dölet miqyasida texminen 13 ming 400 adem öy – makanliridin tarqaqlashturulghan.
deslepki qarargha qarighanda, qara yamghur keltürüp chiqarghan kelkün we yer köchüsh apetliride 7400 din artuq öy – makan ziyangha uchrighan, 15 adem hayatidin ayrilghan, 8 adem yoqap ketken.
hayti bash ministiri ariél hénrining bayanatigha qarighanda, hayti hökümiti yerlik we xelqaraliq teshkilatlar bilen hemkarliship, kelkün apitide talapetke uchrighanlargha yardem qilmaqta iken.
haytida 2016-yili yüz bergen «mathéw» namliq boran - chapqun apitide 800 din artuq adem qaza qilghan idi.
