b d t: israiliye bu yilning deslepki besh éyida 112 pelestinlikni öltürdi
birleshken döletler teshkilati (b d t) bu yil kirgendin buyan israiliyening ishghal qiliwalghan sherqiy quddus we iyordan deryasining gherbiy qirghiqida 112 pelestinlikni öltürgenlikini élan qildi.
türkiye awazi radiyosi xewiri: b d t insanperwerlik ishlirini maslashturush ishxanisi teyyarlighan doklatta, 2023 - yilining béshidin buyan israiliye eskerliri teripidin öltürülgen we yarilandurulghan pelestinliklerning sani heqqide uchur bérildi.
doklatta, israiliye qisimlirining yil béshidin tartip 29 - mayghiche bolghan jeryanda sherqiy quddus we iyordan deryasining gherbiy qirghiqida 107 pelestinlikni öltürgenliki, 429 pelestinlikni yarilandurghanliqi bildürüldi.
doklatta yene, ashqun yehudiy köchmenlirining yil béshidin buyan pelestinliklerge 409 qétim hujum qilghanliqi؛ hujumlarda besh pelestinlikning qaza qilghanliqi, 105 kishining yarilanghanliqi qeyt qilindi.
doklatta, sherqiy quddus we iyordan deryasining gherbiy qirghiqidiki 575 pelestinlikning öyining israiliye armiyesi teripidin weyran qiliwétilgenlikige dair uchurlarghimu orun bérildi.
