ispaniye marakeshke ultimatom tapshurdi
ispaniye shimaliy afriqadiki zéminliri séuta bilen mélillagha «marakesh sheherliri» dep éniqlima bergen marakesh hökümitige ultimatom tapshurdi.
türkiye awazi radiyosi xewiri: ispaniye resmiy xewer agéntliqi — EFE ning xewirige qarighanda, ispaniye tashqi ishlar ministirliqi marakeshning madridtiki elchixanisigha ultimatom yollap, marakesh hökümitining yawropa komitétidiki wekilining séuta we mélilla sheherlirini «marakesh sheherliri» dep atishini eyibligen, hemde ispaniyening bu xil éniqlimilarni «pütünley ret qilidighanliqi» tekitlengen.
marakesh hökümiti yawropa komissiyesining köchmenler we bixeterlik siyasitini maslashturush ishlirigha mesul muawin reisi margaritis shinasning séuta we mélla toghrisidiki «xelqarada ispaniye sheherliri dep étirap qilinghan», «yawropa ittipaqi chégrasidiki sheherler» dégen sözlirige jawaben yawropa komissiyege yollighan bir höjjette «séuta we mililla marakesh sheherliridur» dep tekitligenidi.
gherbiy sehrayi kebir kirizisi we séuta we mélla arqiliq ispaniyege kirgen qanunsiz köchmenler sewebidin 2021-2022 - yilliri 10 ay dawamlashqan diplomatik kirizisni bashtin kechürgen ispaniye bilen marakesh, 2022- yili 4- ayda «yéngi hemkarliq» ornitish kélishimi hasil qilip, sezgür mesililerni qarshi terepni biaram qilidighan bayanatlarni bérishtin saqlinish toghrisida özara wede bergenidi.
ispaniye bilen marakesh yene bu yil 2- féwral ötküzülgen hökümetler ara yuqiri derijilikler yighini chaqirip, ikki tereplik munasiwetlerde yéngi yol xeritilirini otturigha qoyghan kélishimlerni tüzüsh arqiliq mezkur wedilirini mustehkemligenidi.
