nato tashqi ishlar ministirliri yighini chaqirildi

türkiye awazi radiyosi xewiri: shimaliy atlantik ehdi teshkilati-natogha eza döletlerning norwégiye paytexti osloda chaqirilghan biresmiy tashqi ishlar ministirliri yighinida, wilnyus bashliqlar yighinining teyyarliq xizmetliri muzakire qilindi.

shimaliy atlantik ehdi teshkilati tashqi ishlar ministirliri osloda chaqirilghan ikki künlük yighinining birinchi küni norwégiye padishahi 5 - xarald xan jemeti sariyida bergen ziyapette  bir yerge jem boldi, arqidin, norwégiye tashqi ishlar weziri anni bité twinnéréym «akérshus qelesi» de bergen kechlik ziyapette tekrar uchrashti.

igilinishiche, bügünki tashqi ishlar ministirlirining biresmiy yighini shimaliy atlantik ehdi teshkilati bash katipi jéns stolténbérgning échilish nutuqi bilen bashlinidiken.

bu yighinning küntertipini 11-iyuldin 12-iyulghiche litwaniyening paytexti wilnyusta ötküzülidighan shimaliy atlantik ehdi teshkilati bashliqlar yighinining teyyarliq xizmetliri teshkil qilidiken.

yighinda muzakire qilinidighan achquchluq mesililer biri shimaliy atlantik ehdi teshkilatining ukraina bilen bolghan hemkarliqini tereqqiy qildurush mesilisi iken.

buningdin bashqa yene, yighinda, ukrainaning döletni mudapie qish tirishchanliqliri we tinchliq pilanini qollashning qandaq dawamlishidighanliqi mesilisimu muzakire qilinidiken.

yighingha, türkiyege wakaliten türkiyening shimaliy atlantik ehdi teshkilatida turushluq daimiy wekili bash elchi lewent gümrükchü qatnishidiken.

gerche resmiy qaralmilar qatarida bolmisimu, emma kosowudiki jiddiychilik toghriliqmu muzakire élip bérilidiken.