nigériyening yobé ölkiside 115 mehbus kechürüm qilindi
yobé ölkilik waliy mehkimisining bayanatigha asaslanghanda, yéngidin saylanghan pirézidéntning ete (29-may) wezipe bashlishi munasiwiti bilen ölkidiki her qaysi türmilerdin 115 mehbusni kechürüm qilish qarari maqullanghan.
türkiye awazi radiyosi xewiri: bayanatta, kechürüm qilinghan kishilerning «pirézidéntning yaxshiliqidin intayin memnun bolghan we erkinlikidin paydilinip ötmüshtiki xataliqlirini tüzitishke wede bergenler» din terkib tapqanliqi bildürüldi.
bayanatta, hökümetning mehbuslarning pisxologiyelik yaxshilinishigha qolayliq yaritish tedbirlirige ishinidighanliqi eskertilip, baylargha qarita nurghun kishilerning «kichik miqdardiki jerimane» sewebidin türmide yétiwatqanliqi we ularning jerimanilirining tölinishige yardem bérishi kérekliki heqqide chaqiriq élan qilinghanliqi bildürüldi.
nigériyede 25-féwraldin 26-féwralghiche ötküzülgen saylamda ghelibe qilip, hakimiyet béshigha kelgen «barliq algha ilgiriligüchiler qurultiyi (APC) tinubu» ete wezipisini bashlaydu.