nyu yorktiki «türk öyi» ge hujum qilghan jinayet gumandari tutuldi
amérika qoshma ishtatlirining nyu york shehirige jaylashqan «türk öyi» ge hujum qilghan jinayet gumandari amérika saqchilirining iz qoghlap tekshürüshi netijiside tutuldi.
türkiye awazi radiyosi xewiri: nyu york saqchi idarisining bildürüshiche, «türk öyi» ge hujum qilghan jinayet gumandari shu jay waqti saet 10: 15 de qolgha chüshken.
29 yashliq rejep aqbiyiq iqismlik zorawan «bulangchiliq qilishqa urunush, térrorluq jinayiti we jinayet üchün qoral saqlash, térrorluq arqiliq tehdit sélish, ziyan we tehdit sélish jinayiti sadir qilish» qatarliq jinayetler bilen eyiblengen.
mölcherlinishiche, 2 saqchining hemrahliqida kishenlengen halda sotqa élip bérilghan bu jinayet gumandari sotqa tartilidiken.
türkiyening birleshken döletler teshkilatida turushluq daimiy wakaletxanisi we nyu york bash konsulxanisi jaylashqan «türk öyi» binasi aldinqi hepte hujumgha uchrighanidi.
türkiye dairiliri iz qolghlap tekshürüsh netijiside jinayet gumandarining kimlikini éniqlap chiqqanidi.
ötken yili türkiyedin chiqip ketken bu jinayet gumandarining «adem urup yarilandurush, tehdit sélish we zeherlik chékimlik saqlash» qatarliq jinayetlerni sadir qilish bilen eyiblinip, «jinayetchiler tizimliki» ge kirgüzülgen rejep aqbiq ikenliki éniqlap chiqilghanidi.
