jenubiy koréye «nuri» namliq rakétasini qoyup berdi
jenubiy koréye sekkiz süniy hemrahni orbétagha orunlashturidighan «nuri» namliq tunji yerlik rakétasini muweppeqiyetlik qoyup berdi.
türkiye awazi radiyosi xewiri: jenubiy koréye awiyatsiye we alem qatnishi tetqiqat ornining bildürüshiche, «KSLV-II» depmu atilidighan 200 tonniliq «nuri» namliq rakéta, jenubiy koréyening jenubigha jaylashqan déngiz boyidiki goxéung shehiridiki naro alem qatnishi merkizidin shu jay waqti saet 18:24 de qoyup bérilgen.
mutexessislerning qarishiche, bu süniy hemrahlar jenubiy koréyening herbiy jasusluq süniy hemrahlirini orbétagha orunlashturushi, yiraq musapiliq bashqurulidighan bombilarni yasap chiqishi üchün téxnologiyelik hem emeliy bilimlerni toplishida türtkilik rol oynaydiken.
nöwette shimaliy koréyening herbiy muesseselirini közitish üchün amérika qoshma ishtatlirining jasusluq süniy hemrahlirini ishlitiwatqan jenubiy koréyening tunji jasusluq süniy hemrahini bu yil (2023) qoyup bérishi kütülmekte iken.
jenubiy koréye aldinqi yili (2022) mu orbitagha bir süniy hemrah orunlashturush üchün «nuri» namliq rakétasini qoyup bergenidi. shundaq qilip, öz téxnologiyesidin paydilinip alem boshluqigha süniy hemrah qoyup bergen 10-döletke aylanghan jenubiy koréye alem boshluqigha bir tonnidin éghir süniy hemrah yolliyalaydighan rakéta yasap chiqqan 7-döletke aylandi.
مۇناسىۋەتلىك خەۋەرلەر
afghanistandiki kelkün apitide qaza qilghanlarning sani 300 din ashti
afghanistanning baghlan wilayitide yüz bergen kelkün apitide qaza qilghanlarning sani 300 din ashti.