somalida 1 milyondin artuq kishi yurt-makanliridin ayrilghan
somalida yéqinqi besh ayda 1 milyon kishining öy-makanliridin bashqa rayonlargha köchüshke mejbur qalghanliqi élan qilindi.
türkiye awazi radiyosi xewiri: norwégiye musapirlar kéngishining somali ishlirigha mesul diréktori muhemmed abdi somalidiki ichki köchning agahlandurush sewiyesige örligenlikini bildürdi.
u yéqinqi besh ayda 1 milyon kishining yurt-makanliridin ayrilip bashqa rayonlargha köchüshke mejbur qalghanliqini eskertip, buning kéyinki aylarda téximu köpiyishi mumkinlikidin endishe qiliwatqanliqlirini qeyt qildi.
u somalidiki ichki köchke, térrorluq teshkilati eshshabab seweb bolghan bixeterlik mesililiridin bashqa, qurghaqchiliq we kelkün qatarliq tebiiy apetlerningmu tesirining küchlük ikenlikini eskertti.
u somalining ottura qismigha jaylashqan hiran bilen jenubtiki gédo rayonining köch eng köp yüz bergen rayonlar ikenlikini, köchkenler sanining 3.8 milyondin artuq ikenlikini sözlirige ilawe qildi.