somalida térrorluq teshkilati eshshababning kattibéshi yarilandi
somalida amérika qoshma ishtatlirining hawa hujumida térrorluq teshkilati eshshababning tashqi ishlargha mesul kattibéshi osman muhemmed abdi yarilandi.
türkiye awazi radiyosi xewiri: somali hökümitining bayanatigha qarighanda, amérika qoshma ishtatlirining hawa hujumi dawamida térrorluq teshkilati eshshababning tashqi ishlargha mesul kattibéshi osman muhemmed abdi yarilanghan.
bayanatta tekitlinishiche, osman muhemmed abdi térrorluq teshkilati eshshababning chet elliklerni bu döletke élip kirish, teshkilatning idéologiyesini tarqitip, teshwiqatini qilish paaliyetlirini qolaylashturush, tashqi ishlar guruppisini bashqurush ishlirining mesuli iken.
bayanatta, amérika qoshma ishtatlirining hawa hujumining ottura jubba rayonigha jaylashqan jilib shehiride yoshurunuwalghan térrorluq teshkilati eshshababning tashqi ishlargha mesul kattibéshi osman muhemmed abdining öyining nishan qilinghanliqi eskertilip mundaq déyilgen: «térrorluq teshkilati eshshababning bu kattibéshi térrorluq paaliyetlirini qolaylashturush we chet ellik térrorchilarning bu döletke kirishige yardem bérish ishlirigha mesul jinayetchi.»
amérika qoshma ishtatliri afriqa qomandanliq ishtabimu 2023-yili 5-ayning 20-küni jilib shehiride térrorluq teshkilati eshshababqa qarshi hawa hujumi élip bérilghanliqini jakarlighan idi.
