ۋاشىنگتون قىسقا مۇددەتلىك ئەنسىزلىككە سەھنە بولدى

تۈركىيە ئاۋازى رادىيوسى خەۋىرى: بىر كىچىك تىپلىق يۈك ئاپتوموبىلى شوپۇرى ئاقساراينىڭ يېنىدىكى لافايېت مەيدانىنىڭ بىخەتەرلىك توسۇقلىرىغا سوقۇلدى.

ۋەقەدىن كېيىن، بىخەتەرلىك قىسىملىرى ھوشيارلىقنى ئۆستۈردى. ئامېرىكا پىرېزىدېنتى جو بايدىننى قوغداشقا مەسئۇل مەخپىي ۋەزىپە ئۆتىگۈچى خادىملار باغچىنى تاقاپ، شوپۇرنى نازارەت ئاستىغا ئالدى.

ۋاشىنگىتون ساقچىلىرى بومبا بىر تەرەپ قىلىش ماشىنا ئادىمىدىن پايدىلىنىپ يۈك ئاپتوموبىلىنى ئاختۇردى؛ ئاپتوموبىلدىن پارتلاتقۇچ دورا ياكى قورال تېپىلمىدى.

يۈك ئاپتوموبىلىدىن بىر ناتسىستلار بايرىقىنىڭ تېپىلغانلىقى بىلدۈرۈلگەن بولسىمۇ، قولغا ئېلىنغان گۇماندارنىڭ كىملىكى ۋە نېمە ئۈچۈن بۇ ھەرىكەتنى سادىر قىلغانلىقى توغرىسىدا ھېچقانداق مەلۇمات بېرىلمىدى.