rusiye bahmut shehirini toluq igiligenlikini élan qildi

türkiye awazi radyosi xewiri: rusiye dölet mudapie ministirliqi donétsik rayonining bahmut shehiride ukraina armiyesi bilen  élip bérilghan toqunushning eng yéngi weziyiti heqqide bayanat élan qildi.

bayanatta, «artimowiskiy (bahmut) shehirini azad qilish wezipisi, taktika yönilishidiki <jenub> herbiy qisimlirining zembirek we ayropilan bilen qollap quwwetlishi astida wagnér etritining hujum qilishi netijiside tamamlandi» déyildi.

rusiye pirézidénti wiladimir putin rosiye bixeterlik shirkiti wagnérning yallanma eskerlirini we rusiye qoralliq qisimlirining bahmut shehirini igiligenlikini tebriklidi.

krémil sariyining yazma bayanatida, muweppeqiyet qazanghan hemmeylenning dölet médali bilen mukapatlinidighanliqi bildürüldi.

rusiye bixeterlik shirkiti wagnérning qurghuchisi yéwgéniy prigojin bahmutni toluq igiligenlikini jakarlighan idi.

ukrainaning muawin dölet mudapie ministiri anna malyarmu bahmutning weziyitining intayin jiddiy ikenlikini we ukraina eskerlirining liniyeni  qoghdawatqanliqini bildürgen idi.