g 7 rehberliri xitayning uyghur aptonom rayonidiki kishilik hoquq depsendichilikini tilgha aldi
g 7 döletler guruhi rehberliri xitaygha xitayning xongkong, uyghur aptonom rayoni we tibettiki kishilik hoquq depsendichilikige bolghan endishilirini bildürdi.
türkiye awazi radyosi xewiri: g 7 döletler guruhi rehberliri xitaydin rusiyening ukrainadiki tajawuzchiliqini toxtitishi we eskerlirini bu dölettin shertsiz chékindürüshi üchün bésim ishlitishini telep qildi.
yaponiyening xiroshima shehiride ötküzülgen g 7 döletler guruhi rehberliri yighinining ikkinchi künide, rehberler birleshme bayanat élan qilip, ukraina krizisi we (uyghur kishilik hoquqi depsendichiliki) qatarliq her xil mesililer üstide toxtaldi.
chaqiriqta, «biz xitayni rusiyening herbiy tajawuzchiliqini toxtitishqa we eskerlirini ukrainadin derhal, pütünley we shertsiz chékindürüshi üchün bésim ishlitishke chaqirimiz» déyildi.
rehberler: «xitayni ukraina bilen biwasite söhbetlishish qatarliq ukananing zémini pütünlüki, birleshken döletler teshkilati nizamnamisining pirinsipliri we nishanlirini asas qilghan halda, etrapliq, adil we uzaq muddetlik tinchliqni qollashqa ilhamlandurimiz» dédi.
rehberler kélimat özgirishi, herqaysi döletlerning iqtisadiy éhtiyaji, yer sharining sehiye jehettiki endishisi we iqtisadning muqimliqi qatarliq mesililer terepkimu diqqetni tartip, yersharidiki roli we iqtisadiy kölimini nezerde tutqanda, xitay bilen bolghan hemkarliqni zörür dep qaraydighanliqlirini bildürdi.
xitayning rayon xaraktérliq tesirini kücheytkenlikini, sherqiy xitay we jenubiy xitay déngizlirining weziyitini jiddiy endishe ichide közitiwatqanliqini tilgha alghan rehberler, «küch ishlitish arqiliq mewjut haletni özgertishke urunushlargha qetiy qarshi turidighanliqlirini tekitlidi.
g 7 döletler guruhi rehberliri yene xitayning xongkong alahide memuriy rayoni, uyghur aptonom rayoni we tibet aptonom rayonidiki kishilik hoquq depsendichilikige bolghan endishilirinimu alahide tekitlidi.
مۇناسىۋەتلىك خەۋەرلەر
