ispaniyede pazharni xadimliri namayish ötküzdi
ispaniyede pazharni xadimliri ot öchürüsh xizmetlirining kordinatsiyesi we funkisiyesini etrapliq belgileydighan qanun belgilimisining kéchikishi sewebidin paytext madridta namayish ötküzdi.
türkiye awazi radiyosi xewiri: tünügün (16may) minglighan pazharni xadimliri birleshmisi (CUBP) ning chaqiriqi bilen madrid sheher merkizige yighilip, parlaméntta ot öchürüsh xizmetlirining kordinatsiyesi we funkisiyesini etrapliq belgileydighan qanun layihesini saqlitishqa naraziliq bildürdi.
pazharni xadimliri birleshmisi ottin mudapielinish we öchürüsh hoquqining özige oxshash meshiq qilmighan bashqa xadimlargha bérilgenlikini otturigha qoyup, «ot öchürüsh xizmitining chong xeterge duch kelgenliki» ni ilgiri sürdi.
ispaniye 2022-yili orman ot apiti tarixidiki eng nachar bir yilni bashtin kechürdi. eyni waqitta jemiy 310 ming géktardin artuq yer köyüp ketti.
bu yil (2023) ning béshida baldur bashlanghan orman ot apiti sewebidin marttin buyan 40 ming géktardin artuq yer ziyangha uchridi.
