amérika rus xakkér matwéyéwni melum qilghuchilarni mukapatlaydighanliqini élan qildi

türkiye awazi radiyosi xewiri: amérika tashqi ishlar ministirliqi  amérikadiki qanun ijra qilish tarmaqliri, shirketler we halqiliq ul eslihelerge qarshi nurghun xakkérliq paaliyetliri bilen shughullanghan rusiye puqrasi mixail pawlowich matwéyéwning qolgha chüshürülüshi üchün uchur bilen teminligenlerni 10 milyon dollarghiche bolghan neq pul bilen mukapatlaydighanliqini élan qildi.

amérika tashqi ishlar ministirliqi bayanatchisi mat millér yazma bayanat élan qilip: «rusiye tor jinayetchilirining bixeter panahgahi bolup, yaman gherezlik yumshaq détal aktiyorlirini amérika we uning shérik we ittipaqdashlirigha ziyanliq tor heriketlirini erkin - azade élip baridighan muhit bilen teminlimekte» dédi.

bayanatchi millér amérika tashqi ishlar ministirliqining xelqara teshkillik jinayi qilmishlargha taqabil turush mukapat pirogrammisining bir qismi süpitide, rusiye puqrasi mixayil pawlowich matwéyéwning xelqaraliq teshkillik jinayi qilmishlargha taqabil turush dairiside nazaret astigha élinip sotlinishigha yardemchi bolidighan uchurlar bilen teminligenlerge 10 milyon dollarghiche mukapat bérilidighanliqini bildürdi.

amérika edliye ministirliqining washington we nyu jérsiy ishtatidiki ikki sot mehkimiside matwéyéw üstidin délo turghuzghanliqini tilgha alghan millér, mezkur rus xakkérning yene amérika maliye ministirliqining jaza tizimlikige kirgüzülgenliki toghrisidiki uchurlarnimu ortaqlashti.