amérika ukrainagha bérilidighan tankilarning gérmaniyege ewetilgenlikini bildürdi
amérika dölet mudapie ministirliqi ukrainagha bérilidighan 31 dane «M1Abrams» tipliq tankini aldinqi sepke yetküzüshtin ilgiri ukraina herbiy qisimlirini terbiyeleshte ishlitish üchün gérmaniyening grafénwoér shehirige ewetkenliklirini élan qildi.
türkiye awazi radiyosi xewiri: amérika dölet mudapie ministirliqi (péntagon, besh burjeklik bina) ning bayanatchisi patrik riydér (Patrick Ryder) ilgiri ukrainagha bérilishi wede qilinghan tankilarning grafénwoér shehirige yetküzülgenlikini bildürdi.
u ukraina xadimlirining aldimizdiki heptilerde tanka telim-terbiyesi üchün gérmaniyege baridighanliqini eskertti.
u: «ukraina xadimlirigha bérilidighan telim-terbiye pirogrammisining, <M1Abrams> tankisini ünümlük ishlitishke we ukraina xelqini qoghdash mesilisidiki hel qilghuch rolini üstige élishqa teyyar qilishni meqset qilidu» dédi.
amérika yéngi zamaniwi qorallar ornitilghan tankilarni yanwar éyi (2023) da tapshuridighanliqini élan qilghan idi.
amérika deslepki qedemde «ukraina xewpsizlik yardem pirogrammisi» din kelgen fondlardin paydilinip, ukrainani <A2Abrams> tankilar bilen teminleshni pilan qilghan idi.
biraq, amérika dölet mudapie ministirliqi teminlesh süritini tézleshtürüp, mart éyida <M1A1 Abrams> tankilirini zamaniwiylashturup ukrainagha bérishni qarar qilghan idi.
amérika hökümiti mezkur tankilarning eng kéyin bolghanda küz peslide ukraina aldinqi sepliride bolidighanliqini texmin qilmaqta.
