tunisning sabiq parlamént bashliqi qamaq jazasigha höküm qilindi

türkiye awazi radiyosi xewiri: tunis yerlik sot mehkimisi teripidin élan qilinghan bayanatta bildürülüshiche, «ennehde herikiti» ning rehbiri, sabiq parlamént bashliqi rashid elghennushi dölet xewpsizlik küchlirige «taghut» dep haqaret qilghanliqi seweblik qolgha élinghandin kéyin sotqa tartilghan. sot mehkimisi elghennushini «térrorizmni maxtash jinayiti» bilen eyiblep bir yilliq qamaq jazasi we ming dinar (330 dollar) jerimane jazasigha höküm qilghan.

bir saqchi elghennushining 2022-yili 2-aydiki bir depne murasimida qilghan sözide dölet xewpsizlik küchlirini «taghut» dep haqaret qilghanliqi toghrisida sotqa erz sunghanidi.

tunis yerlik sot mehkimisi bu erzge asasen elghennushini tekshürüsh we sotlashni qarar qilghanidi.

«ennehde herikiti» ning rehbiri elghennushi «döletning bixeterlikige süyqest qilish» jinayiti bilen élip bérilghan tekshürüsh dawamida qolgha élinghanidi.

elghennushi tekshürüsh dairiside 17-aprél küni qolgha élinip, türmige tashlanghanidi.