xitay bir amérika puqrasini muddetsiz qamaqqa höküm qildi
xongkong alahide memuriy rayonida daimliq turush kénishkisi bar bir amérika puqrasi jasusluq jinayiti bilen eyiblinip, muddetsiz qamaq jazasigha höküm qilindi.
türkiye awazi radiyosi xewiri: jéjyang ölkisi suju sheherlik ottura xelq sot mehkimisi 2021-yili aprélda dölet xewpsizlik orgini teripidin qolgha élinghan jon singwan léyung (John Şing-van Leung) üstidin hökümini élan qildi.
mehkime yépiq shekilde échilghan sotta, 78 yashliq amérika puqrasini muddetsiz qamaq jazasigha höküm qilip, 500 ming yüen (72 ming dollar) jerimane qoydi.
xitay dölet taratqulirining xewiride, léyungning amérika we xitayda yerlik hökümetler bilen qoyuq munasiwiti bar sodiger ikenliki qeyt qilindi.
léyung 1985-yili guangju shehiri bilen amérikaning oklaxoma shehiri otturisida dostluq paaliyetliri qilidighan jemiyet qurghan bolup, xitay-amérika otturisida soda we medeniyet paaliyetlirini tereqqiy qildurush, meblegh sélish ishlirini ilgiri sürüsh üchün nurghun qétim amérika yerlik siyasetchiliri we sodigerlirini xitaygha sayahetke orunlashturghan.
igilinishche, léyung bashchiliqidiki xitay-amérika dostluq jemiyiti 2020-yili xongkongda maqullanghan dölet bixeterlik qanunini qollap bayanat élan qilghan.
amérikaning béyjingdiki elchixanisi we xongkong-makaw (awmén) konsulxaniliri léyungning soti toghrisida hazirche bayanat élan qilmidi.
