zélénskiy: qisimlirimiz rusiye armiyesini sür-toqay qildi
ukraina pirézidénti wolodimir zélénskiy ukraina qisimlirining rusiye eskerlirini sherqiy septe keynige chékindürgenlikini bildürdi.
türkiye awazi radiyosi xewiri: pirézidént wolodimir zélénskiy ijtimaiy taratqu adrésida bayanat élan qilip, bash qomandanliq merkizidiki yighinni axirlashturghanliqlirini qeyt qildi.
u yighinda, ukraina quruqluq armiyesi we sherqiy qisimning qomandani aléksandir sirskiyning söz qilghanliqini eskertip: «zor tirishchanliq körsitip düshmenni toxtatqan, hetta bezi jaylarda sür-toqay qilghan qisimlirimizning qomandani sirskiyning doklatini angliduq» dédi.
u, yighinda, tawriya, odéssa we shimaliy rayonlarning mudapie qisimliri qomandanliriningmu özliri turuwatqan urush seplirining nöwettiki ehwalidin melumat bergenlikini eskertip, bu rayonlarning kontrol astida ikenlikini qeyt qildi.
u yighinda, ukraina armiyesining muhim éhtiyajlirini belgiligenliklirini körsitip: «biz yéngidin qurulghan birigadalarning üsküniler we oq-dorilar bilen qorallinishqa ait melumat alduq. oq-dora we bashqurulidighan bomba bilen teminleshke munasiwetlik barliq uzun muddetlik kélishimlerni közdin kechürduq »dédi.
