élon mask twittérdiki wezipisidin istépa béridu

türkiye awazi radiyosi xewiri: élon mask twittérda wezipisidin ayrilidighanliqi toghrisida bayanat élan qildi.

u: «twittér üchün yéngi ijraiye diréktorini wezipige qoyidighanliqimni uqturidighanliqimdin intayin hayajanliniwatimen. texminen alte hepte ichide wezipisini bashlaydu» dédi.

u yéngi diréktorning rolining mehsulat, yumtal we mulazimetni nazaret qilidighan mudiriyet bashliqi shundaqla bash téxnika mudiri (CTO) bolidighanliqini bildürdi.

mask hembehrligen uchurlardin yéngi bash ijraiye diréktorining ayal bolidighanliqi bilingen bolsimu, emma nam-sheripi ashkarilanmidi. u dékabir (2022) da, twittérning bash ijraiye diréktorluq wezipiidin istépa bérish-bermeslik toghrisida ray sinash élip baridighanliqlirini we netijini qobul qilidighanliqlirini éytqan idi.

tekshürüsh netijisige qarighanda, 17 milyon 500 mingdin artuq adem bélet tashlighan bolup, bélet tashlighuchilarning %57.5 i maskning ayrilishini, %42.5 i wezipisini dawamlashturushini xalaydighanliqini bildürgen.

mask özining wezipisini ötküzüwalidighan «exmeq» tin birni tapqan haman twittérning bash ijraiye diréktorluq wezipisidin istépa bérip, yumtal we mulazimétir guruppisinila bashquridighanliqini bildürgen idi.

téslaning bezi paychékliri twittér maskning diqqitini bölüwitidighan bolup qaldi dep qarawatqan bolup, uning tésladiki wezipisige köngül bölelmeslikidin endishe qiliwatqan idi.