méksika chégra nuqtilirigha zapas esker ewetidighanliqini bildürdi

türkiye awazi radiyosi xewiri: méksika pirézidénti manyuél lopéz axbarat élan qilish yighinida, amérika bilen köch mesilisi boyiche téximu köp hemkarliq ornitilidighanliqini eskertip, chégra nuqtilirining kücheytilishi üchün zapas eskerlerning ewetilidighanliqini bildürdi.

u köchmenlerni adem etkeschilirining tekliplirige aldanmasliqini telep qilip: «chégra rayonlirida küshkürtchiliklerge purset bermelik üchün téximu köp esker ewetimiz. bundaq qilishni biz qarar qilduq. etkeschiler kishilerni 8-10 ming dollargha aldaydu, bu chong aldamchiliq» dédi.

u köchmenlerni amérikagha qanunluq kirishke chaqirdi we: «bu wizalar amérika prézidénti jo baydinning qarari we iradisi bilen tunji qétim yolgha qoyuldi» dédi.

u 10-may (2023) amérika prézidénti jo baydin bilen téléfonlashqanda, uning bilen köchni keltürüp chiqiridighan seweblerni éniqlash kéreklikini ortaqlashqanliqini éytti.

shuning bilen bir waqitta, amérika awam palatasida jumhuriyetchiler otturigha qoyghan chégra bixeterlikini kücheytish toghrisidiki köchmenlerning chégradin kirishini chekleshni kücheytish qanun teklip layihesi maqullandi.

qalaymiqan köchmenlerni méksikagha qayturushni asanlashturidighan «42-madda» ni ijra qilish axirlishidighangha bir qanche saet qalghanda qobul qilinghan mezkur qanun teklip layihesining, démokratlar köp sanliqni igileydighan kéngesh palatasidin ötmeydighanliqi texmin qilinmaqta.